琴晚放工同老公親戚們去長沙灣酒樓打邊爐...間野叫全旺...我從未食過咁差嘅火鍋...因為老公隻腳未好返哂...所以我地由西九龍行過去足足行咗45分鐘...行到發脾氣!!!又熱又累...去到間野簡直失望...地方狹窄環境差...toilet污糟又暗...因為係自助火鍋所以要出去攞野食...d人勁多...佢地好似餓鬼一樣...一窩蜂去搶野食...冇儀態的...野食種類勁少...又唔好食...肥牛都可以爭餐死...邊爐湯底好淡...飲品居然唔包汽水...得酸梅湯竹蔗水果d...我地個個飲竹蔗水...但可惜得個甜字...仲要係暖的...打緊邊爐已經係熱...居然飲品唔凍有冇搞錯??個樽有一大半都係d榨...由於實在太差...令平時勁鐘意打邊爐嘅我都冇意欲打...比平時食少好多野...我以後一定唔會再黎呢間酒樓!!
