All you need is love

Bravo Personnel Consultancy Ltd

tracywong315 — Wed, 10 Sep 2008 23:12:57 +0800

今日已經係第三日返工了...學咗好多野丫...好充實...要打CV...要幫interviewee做登記...影印...scanning等等...因為成日要對住客人...所以要保持笑容...d同事都好有耐性教我做野...時間好快過...可能冇時停...所以唔太難捱...不過好累啊...仲未習慣呢d生活...唔夠訓丫...慘...不過我會比心機做野賺錢...

跟老公去飲宴

tracywong315 — Sun, 07 Sep 2008 23:58:43 +0800

今日同老公去德福食KFC...之後睇戲---慌鄰勿近....好變態...但又好無聊...面具好恐怖...唔睇好過睇...之後去老公度...冰皮月餅好好味...5點幾又出返德福行行行...打機...行咗兩個鐘老公的爸爸到了...一齊去佢地親戚的同鄉婚宴...我九唔搭八跟埋佢地去...都唔知果個係乜水...因為佢地做哂人情...但冇人去...所以我就跟埋去食番餐哈哈...mega box嘅百樂門...都幾大幾豪華...成400人有多...去到時老公的爸爸係咁同其他人傾計...我同老公就坐咗一個鐘影相傾計...本來一圍有十二個的...不過我地果圍得九個...所以食剩好多野...好飽好飽...到最尾食紅豆沙時...我食到一半我果圍d人個個起身話走...我好無奈...又不知所措...唯有同甜品講拜拜啦...老公係咁笑我哼哼哼...之後佢送我回家...

打邊爐

tracywong315 — Sat, 06 Sep 2008 23:44:57 +0800

今日和媽咪去咗坑口同姑姐佢地飲茶...之後老公黎埋...一齊去會所打波...打完上姑姐屋企...下午茶去食牛什粉麵...個waiter好唔掂...講勁多次都係落錯單...唔知佢點做野!!!食完我和老公去了九龍灣...我買衫返工...又買埋袋...揀咗好耐...夜晚去老公麻麻家打邊爐...好多野食...同埋好多人...差唔多齊哂人...菲律賓住的姑姐都返咗黎...佢地講福建話完全聽唔明...好迷茫...之後玩魚蝦蟹...好似過緊新年咁哈哈...11點幾老公送我回家...

my aunt's birthday

tracywong315 — Mon, 01 Sep 2008 23:01:47 +0800

今日係my aunt's birthday...夜晚我地去了麗港軒潮菜館食私房菜...胡椒豬肚湯辣味適中...滷水鵝片好入味...咖啡鹹菜豬手冇乜咖啡味...一般啦...蠔餅好多蠔又大隻...蛋味幾香...金銀蛋莧菜唔太多油幾好...銀雪魚煎得超香...啖啖肉正...個炒蟹都好香...唔知係咩葉整的...個大蝦都好好食...好香豉油味...春卷我冇食...因為唔鐘意...不過我媽咪話好食好脆...最後嘅甜品係我最鐘意的...清心丸綠豆爽...清心丸好有口感...又唔太甜...我食咗一碗半...雖然餐飯好好食...不過喺麗港城唔太方便...要喺藍田行一段路先到...不過真係值得再去的...

中山,珠海,開平旅行

tracywong315 — Wed, 20 Aug 2008 18:36:02 +0800

17-19/8

人物有我, 老公, 媽咪, 姑姐, 姑丈,表弟,表妹和堂家姐

第一天: 7點去到中港碼頭集合...7點半搭船去中山...今日行程係去龍井坊食乳鴿...蜆蚧鯪魚球和豆腐花...太美味了...次次黎都有食...我表弟和堂家姐有騎馬...另外去了DIY福娃展覽館...臨入去果度前要講岩密碼先開到門的...最後我媽咪講中了哈哈...果度送了份禮物給我媽咪...媽咪將份禮物送了比我...係條頸鏈黎嘅...都幾靚...仲有我地去了農藝坊...天祿園和孫中山故居...夜晚返海泉灣酒店...之後喺果度浸溫泉...成日最relax嘅一刻了哈哈...浸完返酒店食宵夜...我地之前訂了雞所以即刻食...味道真係幾好...仲有食杯麵...未免過份咗d哈哈...不過唔理得咁多了...豁出去係咁食...之後一齊玩飛行棋和啤牌...累了就訓lu...

龍井坊

我, 堂家姐, 媽咪

DIY福娃展覽館

農藝坊

海泉灣酒店

第二天: 去了蘆薈大觀園...老公買了支蘆薈精華素比我...多謝你丫...真係幾好用...仲有去了水雲岭...我同老公都鐘意...因為果度好有民族feel...d雲南人講解又好搞笑...果度係sell茶葉的...仲有d民族袋都幾靚...我買咗蕃茄果乾...之後去睇加拿大雕樓...好熱...好大個太陽...雕樓冇乜好睇...不過果度環境幾舒服...農村地方...有好多田同埋河...夜晚我地入住香江溫泉酒店...喺果度食buffet...之後玩煙花...再浸溫泉...果度d溫泉幾靚...有好多池...例如牛奶...薰衣草...桂花...靈芝...當歸等等...同d親戚傾了好多...浸完返別墅...我地住果度好大好靚...係西班牙式別墅黎的...其實有d別墅係歐陸式仲靚...不過因為full哂冇得住...下次要再去啊...我地住果d別墅入面有卡拉ok...又有自動麻雀機...好好玩...我地一路食野一路唱k...勁多歌...好似去咗Neway咁哈哈...玩到4點幾就訓喇...

車內自拍

蘆薈大觀園

水雲岭

加拿大雕樓

酒樓食飯,叫了有菠蘿肉嘅菠蘿包,好好味架

香江溫泉度假村

我地住嘅西班牙式別墅

歐陸式別墅

放煙花

第三天: 一早喺架旅遊巴度訓訓訓...點知個導遊搞節目...叫咗d人出去唱歌...結果佢叫咗我同老公出去唱...諗咗好耐發覺好多歌唔記得歌詞...最後我唱暗湧...老公唔敢唱...佢驚驚哈哈...不過我聲都未開...好彩冇走音...我地去了蒙古村...果度又係好有民族feel...正啊...之後入咗個蒙古包度聽個人講解蒙古嘅野...都幾有特色...佢比咗杯馬奶比我地飲...味道唔錯...所以我買了馬奶茶...之後去了咀香園...我整杏仁餅失敗了哈哈...不過個個都失敗的...整到散了...喺果度食龜靈膏同埋買杏仁餅...5:30搭船返香港...返到中港城一齊食晚飯...食完就走了...

蒙古村

咀香園

和當地導遊一齊影相(白+橙紅色衫就係佢)...佢好好人架...係基督徒黎的

左起: 表妹, 表弟, 姑姐,媽咪, 堂家姐, 我, 老公, 導遊...下面果個係我姑丈

(仲有d相未放上黎)

慶祝紙巾生日

tracywong315 — Thu, 14 Aug 2008 23:02:04 +0800

今日慶祝紙巾生日..去了新世紀廣場切蛋糕...之後影貼紙相...7點去老富昌餐廳食飯...叫了意粉...飯和pizza...都幾飽...食完老公黎接我...我地去了德福行街...食m記和打機...之後回家...

補番bonny生日嘅相

tracywong315 — Wed, 13 Aug 2008 20:41:56 +0800

新世紀廣場切蛋糕

貼紙相

北京酒樓

tracywong315 — Tue, 12 Aug 2008 23:09:40 +0800

今日去學結他...彈了''為你寫詩''...彈得最好係我哈哈...學完返屋企...又係睇奧運...舉重好多都舉唔到...佢地樣都變哂...夜晚同親戚們去北京酒樓食飯...好多人好迫...不過d野實在太好食了...我地叫了賽螃蟹...雲吞雞煲...水晶肉...雞絲粉皮...小籠包...炒拉麵...手撕雞...叉子燒餅和炸萊肉末...好飽...食完佢送咗高力豆沙比我地...我地食咗一個鐘左右就走lu...因為之後好多人等位....

大家樂

tracywong315 — Mon, 11 Aug 2008 22:58:16 +0800

今日成日喺屋企睇奧運...好好睇...到夜晚同老公和媽咪去大家樂食飯...買了兩個餐share食...鐵板餐和冬瓜盅都好食...食完行吉之島...之後媽咪返屋企先...我和老公周圍行...因為媽咪比咗張百佳$50現金劵我...所以我地去了百佳買定d零食杯麵去旅行...然後老公送我返屋企...

長洲

tracywong315 — Sun, 10 Aug 2008 23:35:17 +0800

今日一早同老公...媽咪和姨媽去尖沙咀寧記飲茶...估唔到老公咁闊綽哈哈...之後姨媽走先...我同老公和媽咪一齊搭船去長洲...周圍行...去了間泰國餐廳食下午茶...個環境幾好幾有feel...食完行兩行因為太熱所以去圖書館涼冷氣...之後媽咪搭船走先...我同老公行沙灘...買紀念品...多謝老公送了條手鏈比我...我好鐘意丫...夜晚去食海鮮...都幾抵...兩個人食咗180幾蚊...有豉椒炒蜆...蒜茸蒸扇貝...薑蔥炒蟹同埋蒜茸炒生菜...食飽飽去m記買了熱情果芒果雪糕上船食...好味道丫...九點半返到中環...搭船過尖沙咀再轉地鐵返屋企...

日落時影的...好靚啊

泰國餐廳食野

我踩單車

食海鮮

喺ymca比老公發現到的

明星海鮮舫

tracywong315 — Sat, 09 Aug 2008 23:16:13 +0800

今日同老公去沙田明星海鮮舫飲茶...食到好飽...我至愛嘅芒果糯米飯超正...食完去老公度...夜晚去何文田同老公嘅親戚食飯...好多差唔多嘅肉...幾樣都好似哈哈...個沙律蝦幾好食...之後上返佢阿麻屋企...同佢d表妹玩...佢地好搞笑...尢其係d笑聲...佢姑姐又送咗d糖同埋朱古力比我食...十點幾就走lu...

白天嘅明星海鮮舫

夜晚嘅明星海鮮舫

正式見家長了

tracywong315 — Sun, 20 Jul 2008 22:56:58 +0800

今日我同老公約了去德福...食和民...之後行咗一陣去打機...4點左右約埋媽咪喺樂富等...一齊食香味屋...雖然之前佢地都見過...但都只係撞到...今次係真正坐低食野哈哈...老公話我媽咪好多野講...一齊傾旅行嘅野...不過可能係第一次見...所以大家都仲未熟絡...唔緊要啦...之後大把時間...去埋旅行就一定熟哂啦哈哈...之後媽咪走先...我同老公去吉之島行...有美國食品節...不過d野唔太吸引所以冇買到野...6點幾我就返上阿麻屋企了...

奇妙的旅程

tracywong315 — Sat, 19 Jul 2008 23:55:50 +0800

今日同老公去沙田唱k...好鐘意唱李卓庭嘅歌...之後去老公度...晚餐老公煮了麵比我食...之後佢送我過油麻地...我同媽咪,哥哥,他的女朋友和親戚們去安素堂睇電影...奇妙的旅程好好睇架...好感動...我喊咗幾次...其他人好多睇完對眼都紅哂...套戲其實係想叫人珍惜眼前人...雖然係福音電影...但又唔係講咗好多福音嘅野...其實個個人都岩睇...好值得睇...完了後我阿哥俾人叫佢做訪問哈哈好搞笑...仲要係對住部機同埋有咪的...個情景好似d artist出完function做訪問咁...之後去寶島食野...然後返屋企...

蝙蝠俠---黑夜之神

tracywong315 — Fri, 18 Jul 2008 23:24:27 +0800

今日好早起身...因為諗住同老公去銅鑼灣排隊抽visvim鞋...我地9點幾去到時已經好好好多人喇...一路行都見唔到龍尾喺邊...所以決定唔排了...去了大快活食早餐...跟住買零食睇戲...蝙蝠俠---黑夜之神好好睇丫...好緊張刺激...爛了半邊面個人好核突...如果真人見到會嚇死我...兩個半鐘頭我都冇去toilet...好勁啊我哈...睇完過旺角譚魚頭飲茶...好味丫...之後去信和買at17新出嘅EP...個設計幾特別...係用個CD布袋入住隻碟的...跟住去食鵞記渣咋...叫了渣咋...什果豆腐花同埋腐竹白果糖水...都幾好食唔太甜...價錢都唔貴...最後回家了...

at17新EP

慶祝Nicole生日

tracywong315 — Thu, 17 Jul 2008 10:11:22 +0800

今日同bonny,zenith,cadi and caby出去慶祝nicole birthday...我地去咗Todai食lunch buffet...上星期六先去完呢度食...食兩次哈哈...我,bonny,nicole and zenith都正常...因為buffet梗係食得多架嘛...但caby and cadi真係好唔抵囉...食咁少野...佢地每次出去拎野返黎個碟都係得dd食物...仲要食剩的哈哈...勁今次d食物同上次差唔多...但個青口難食咗...上次係蛋黃醬...今次係香草有d怪味...差唔多食完時我地影相同切蛋糕...之後去影貼紙相...有部機d背景好得意啊...下次要再影丫...影完我同bonny走先...